«Ադրբեջանում բռնապետություն է, և Բայդենին ընդամենը առիթ է պետք, որ Ալիևին գահընկեց անեն». Ժիրինովսկի

«Ադրբեջանում բռնապետություն է, և Բայդենին ընդամենը առիթ է պետք, որ Ալիևին գահընկեց անեն». Ժիրինովսկի

Ադրբեջանում ՌԴ գործերի ժամանակավոր հավատարմատարը կանչվել է երկրի ԱԳՆ, որտեղ նրան բողոքի նոտա են հանձնել՝ կապված երկրի ղեկավարության մասին Ռուսաստանի Լիբերալ-դեմոկրատական կուսկացության առաջնորդ Վլադիմիր Ժիրինովսկու հայտարարության հետ:

«Հանդիպման ընթացքում մտահոգություն և բողոք է փոխանցվել՝ ՌԴ Պետդումայի պատգամավորի վիրավորական հարտարարության հետ»,- «Մոսկովսկի կոմսոմոլեց» պարբերականի փոխանցմամբ՝ ասվում է Ադրբեջանի ԱԳՆ հաղորդագրության մեջ:

Աղբյուրի պարզաբանմամբ՝ խոսքը «Կոմսոմոլսկայա պրավդա» ռադիոյի եթերում քաղաքական գործչի ունեցած ելույթի մասին է, երբ անդրադառնալով հայ-ադրբեջանական սահմանին տիրող լարված իրավիճակին՝ վերջինս ասել էր. «Ռուսաստանը պետք է վերադառնա Ռուսական կայսրության և ԽՍՀՄ բոլոր տարածքներ: Հարավային Կովկասը մեր ազդեցության գոտին է»:

Որպեսզի ռուս զինվորների շրջանում այնտեղ զոհեր չգրանցվեն, Ժիրինովսկին կոչ է արել հրավիրել Ադրբեջանի նախագահ Իլհամ Ալիևին և ասել նրան. «Իլհամ, քո հայրը իմաստուն մարդ էր, այդ իսկ պատճառով, դու ունես այն տարածքը, որն ուզում ես, սակայն ոչ մի ռուս զինվորի ոչ ոք իրավունք չունի անգամ ծուռ նայել: Հասկացա՞ր ինձ, Իլհամ»:

Այնուհետև Ժիրինովսկին հավելել էր, որ «Ադրբեջանում բռնապետություն է, և եթե Բայդենը ցանկանա,

Ալիևին գահընկեց կանեն երկու շաբաթվա ընթացքում, և նրան կկարողանա փրկել միայն Ռուսաստանը, ինչպես փրկեց Փաշինյանին»:

Оставьте первый комментарий

Оставить комментарий

Ваш электронный адрес не будет опубликован.


*