Ադրբեջանին հանձնվող՝ Մարտակերտի 6 գյուղերը գտնվում են անմիջապես Մարտակերտ-Ստեփանակերտ մայրուղու հարևանությամբ /ֆոտո/

Մարտակերտի շրջանի 6 գյուղերը, որոնք ըստ Հայաստանի վարչապետի, Ռուսաստանի և Ադրբեջանի նախագահների միջև ձեռք համաձայնության անցնում են Ադրբեջանի վերահսկողության տակ, գտնվում են Մարտակերտը Ստեփանակերտ և Մարտունի քաղաքներին կապող մայրուղու հարևանությամբ։ Այս մասին գրում է News.am-ը:

«Քարտեզի վրա գյուղերի տեղակայման դիրքը ուսումնասիրելով պարզ է դառնում, որ դրանցից երեքն անմիջապես ճանապարհին հարող տարածքում են, երեքը՝ դեպի արևմուտք։

Մարտակերտի վարչակազմի ղեկավար Հայկ Բախշիյանը NEWS.am-ի հետ զրույցում նշեց, որ անվտանգ ճանապարհ ապահովելու հետ կապված դեռևս քննարկումների փուլ է ընթանում, հստակ որևէ բան ասել չեն կարող։

Մարտակերտից Ստեփանակերտ մեկ այլընտրանքային՝ արևմտյան մասով անցնող ճանապարհ կա։

Հիշեցնենք, որ ըստ եռակողմ հայտարարության՝ Աղդամի շրջանը վերադարձվում է Ադրբեջանի Հանրապետությանը մինչև 2020 թվականի նոյեմբերի 20-ը: Նշված բնակավայրերը, ինչպես նաև Ակնա բնակավայրը (Աղդամ), ըստ ադրբեջանական կողմի, գտնվում են Աղդամի շրջանում:

Գյուղերում ավելի քան 2000 բնակիչ կա, որոնք միայն այսօր են տեղեկացել տեղահանման անհրաժեշտության մասին։ Նրանց տարածքը ազատելու համար ժամանակ է տրվել մինչև նոյեմբերի 19-ը՝ ժամը 23։00-ն»,-նշում է լրատվամիջոցը:

Оставьте первый комментарий

Оставить комментарий

Ваш электронный адрес не будет опубликован.


*