Արտակարգ դրությունը ևս մեկ ամսով կերկարաձգվի․ վարչապետ

Երեկ Հայաստանում կորոնավիրուսի 566 նոր դեպք է արձանագրվել, ինչն ըստ էության արտահայտումն է այն բանի, թե մենք 7-14 օր առաջ ինչպես ենք պահպանել ՀՀ-ում հակահամաճարակային կաննոները։ Այս մասին ճեպազրույցում ասաց ՀՀ վարչապետ Նիկոլ Փաշինյանը։

«Մենք համոզված ենք, որ մեր կողմից սահմանված և առաջարկած հակահամաճարակային կանոնների պահպանումը բերելու է դեպքերի զրոյացման։ Ուզում եմ կրկին արձանագրել, որ հակահամաճարակային կանոնների պահպանման մակարդակն արդյունքների է բերում 7-14 օր անց, քանի որ հիվանդության ինկուբացիոն շրջանը 7-14 օր է»,- ասաց Փաշինյանը։

Փաշինյանը հավելեց, որ վաղը տեղի կունենա Կառավարության արտահերթ նիստ, որտեղ արտակարգ դրությունը ևս մեկ ամսով երկարացնելու որոշում կկայացվի։

Оставьте первый комментарий

Оставить комментарий

Ваш электронный адрес не будет опубликован.


*